Category: Uncategorized

USVS lætur sig ekki vanta á Smábæjaleikana á Blönduósi sem fara fram dagana 13.-14. júní 2026. Skráning er hafin - allir iðkendur innan USVS fædd/ir á árunum 2014-2019 geta skráð sig! Ómissandi hluti af knattspyrnusumrinu í Vestur-Skaftafellssýslu. Skráning iðkenda USVS er opin til sunnudagsins 3. maí kl. 23:59. Hvetjum ykkur til að ganga frá skráningu sem fyrst! Skráning fer fram í gegnum Sportabler: https://www.abler.io/shop?country=IS&mode=programs&search=usvs

Vormót USVS í körfubolta fór fram í íþróttamiðstöðinni á Kirkjubæjarklaustri í gær. Mótið var vel sótt og voru keppendur um 70 talsins frá fjórum félögum, ÁS og Kötlu í Vestur-Skaftafellssýslu og úr Rangárvallasýslu Dímon og Garpur. Alls voru spilaðir 27 leikir á mótinu. USVS færir öllum sem að mótinu komu kærar þakkir og sérstakar þakkir til allra þeirra sjálfboðaliða sem lögðu sitt af mörkum, eins og við vitum öll væri þetta ekki hægt án þeirra! Þetta var síðasta USVS mót vetrarsins 2025-2026 en við vekjum athygli á uppfærðu viðburðadagatali hér á heimasíðunni. Aðildarfélög eru hvött til að hafa samband við…

Eins og greint hefur verið frá hér á heimasíðu USVS síðustu daga var sambandsþingið síðastliðinn föstudag afar viðburðaríkt. Nú þegar hefur verið greint frá þeim viðurkenningum sem veitt voru á þinginu sem og frá þeim tímamótasamningi sem undirritaður var undir lok þingsins. Góðir gestir sóttu þingiðEins og alltaf sóttu fulltrúar frá UMFÍ og ÍSÍ þingið. Ragnheiður Högnadóttir sótti þingið fyrir hönd Ungmennafélags Íslands og fulltrúi Íþróttasambands Íslands var Hafsteinn Pálsson. Fulltrúar sveitarfélaganna sóttu þingið, frá Mýrdalshreppi þeir Einar Freyr Elínarson sveitarstjóri og Björn Þór Ólafsson oddviti. Frá Skaftárhreppi Einar Kristján Jónsson sveitarstjóri og Jóhannes Gissurarson oddiviti. Rakel Magnúsdóttir svæðisfulltrúi UMFÍ…

56. sambandsþing USVS fór fram í Félagsheimilinu Kirkjuhvoli á Kirkjubæjarklaustri á föstudaginn. Þingið var vel sótt og afar viðburðaríkt. USVS veitti þar viðurkenningar í eftirfarandi flokkum:-Íþróttamaður ársins-Efnilegasti íþróttamaðurinn-Lið ársins-Sjálfboðaliði ársinsÍþróttamaður ársins 2025:Í flokknum íþróttamaður ársins bárust fjórar tilnefningar-Ásgeir Örn Sverrisson, Ungmennafélaginu ÁS-Egill Atlason Waagfjörð, Ungmennafélaginu Kötlu-Svanhildur Guðbrandsdóttir, Hestamannafélaginu Kópi-Þorsteinn Björn Einarsson, Hestamannafélaginu SindraÍþróttamaður USVS árið 2025 var útnefndur Egill Atlason Waagfjörð. Um leið og USVS óskar Agli til hamingju óskar sambandið öllum sem hlutu tilnefningu til hamingju með frábært íþróttaár með ósk og áframhaldandi velgengni á árinu 2026. Umsagnir um alla þá sem hlutu tilnefningu má finna neðst í þessari…

56. sambandsþing USVS fór fram í Félagsheimilinu Kirkjuhvoli á Kirkjubæjarklaustri í gær. Þingið var vel sótt og afar viðburðaríkt. Undir lok þingsins undirrituðu Jóhann Bragi Elínarson formaður USVS, Björn Þór Ólafsson oddviti Mýrdalshrepps og Einar Kristján Jónsson sveitarstjóri Skaftárhrepps undir tímamóta samstarfssamning. Samning sem mun styðja og efla USVS, aðildarfélögin og samfélagið í Vestur-Skaftafellssýslu í heild sinni. Í samningum segir m.a.: Samningi þessum er ætlað að efla starf USVS og aðildarfélaga þess með megináherslu á barna og unglingastarf auk þess að stuðla að auknu samstarfi USVS og sveitarfélaganna á sviði íþróttamála. Áhersla er lögð á mikilvægi þess öfluga starfs sem…

56. sambandsþing USVS fór fram í Félagsheimilinu Kirkjuhvoli á Kirkjubæjarklaustri í gær. Þingið var vel sótt og afar viðburðaríkt. Fulltrúi Ungmennafélags Íslands á þinginu var Ragnheiður Högnadóttir. Hún hélt ávarp og fjallaði um fjallaði þar m.a. um stefnumótun ÍSÍ og UMFÍ, mikilvægi fyrirtækjanna Íslenskrar getspár og Íslenskra getrauna, svæðisstöðvar íþróttahéraðanna og þá sjóði sem hægt er að sækja styrki í frá UMFÍ. Að því loknu voru fimm félagar innan USVS heiðraðir. Þetta voru þær Erla Þórey Ólafsdóttir og Fanney Ólöf Lárusdóttir sem hlutu gullmerki UMFÍ og Árni Jóhannsson, Ólafur Magnússon og Þórdís Erla Ólafsdóttir Dýrfjörð hlutu starfsmerki UMFÍ. USVS óskar…

56. sambandsþing fer fram í Félagsheimilinu Kirkjuhvoli föstudaginn 10. apríl næstkomandi og hefst kl. 17:00. Á þinginu eiga rétt á setu 23 fulltrúar frá fimm félögum. Nánari upplýsingar um þingið hafa verið sendar á formenn aðildarfélaga USVS.

Innanhúsmót USVS í fótbolta fór fram í íþróttamiðstöðinni á Kirkjubæjarklaustri síðastliðinn sunnudag, 22. mars. Um 40 keppendur frá Ungmennafélögunum ÁS og Kötlu tóku þátt á mótinu sem tókst vel til. Keppnisflokkarnir voru þrír, 1.-3. bekkur, 4.-6. bekkur og 7.-10. bekkur. Í yngsta hópnum spiluðu ÁS og Katla einn leik á móti hvort öðru, í seinni leiknum var spilað í blönduðum liðum og úr varð hið mesta fjör. Í flokki 4.-6. bekkjar og 7.-10. bekkjar var spilað í svokölluðu stigaboltamóti þar sem keppendur safna stigum. Þar sem gefin eru stig fyrir að vera í sigurliði, jafntefli, skora mark, leggja upp mark…