FRÉTTIR USVS
Ársþing USVS
Ársþing USVS var haldið á Hótel Dyrhólaey miðvikudaginn 9. júní. Þingið tókst vel og mættu 26 þingfultrúar af 30 auk gesta. Litlar breytingar urðu á stjórnsambandsins. Formaður USVS er áfram Fanney Ásgeirsdóttir aðrir í stjórn eru: Sif Hauksdóttir, Sigmar Helgason, Árni Jóhannsson og Ragnar S. Þorsteinsson. Stjórn mun svo skipta með sér verkum á fyrsta stjórnarfundi. Varastjórn skipa þau Fanney Ólöf Lárusdóttir, Sabina Victoria Reinholdsdóttir og Kristín Ásgeirsdóttir. Sæunn Káradóttir sem hefur verið ritari í stjórn USVS ákvað að gefa ekki kost á sér áfram í stjórn. USVS þakkar henni fyrir vel unnin störf. Á þinginu fengu starfsmerki UMFÍ Þorsteinn M. Kristinsson, sem var formaður USVS 2015-2020, Lára Oddsteinsdóttir, sem hefur verið í stjórn USVS og hestamannafélaginu Sindra og Sveinn Þorsteinsson, sem hefur lengi starfað fyrir USVS og Ungmennafélögin í Mýrdalshrepp....
Íþróttamaður USVS 2020
Á 51. Ársþingi USVS var Svanhildur Guðbrandsdóttir valin Íþróttamaður USVS 2020. Aðalkeppnishross Svanhildar hefur verið Aðgát frá Víðivöllum fremri og Pittur frá Víðivöllum fremri. Svanhildur hefur staðið sig vel á þeim mótum sem hún hefur keppti á árið 2020 og í lok árs 2020 var Svanhildur valin í ungmennalandslið Íslands í hestaíþróttum. Svanhildur er flott fyrirmynd. Hún er reglusöm, duglegur námsmaður og virkilega samviskusöm í þeim verkefnum sem hún tekur sér fyrir hendur. Sanne V. Hezel og Sabina Victoria voru tilnefndar til að verða íþróttamaður USVS. Lárus Guðbrandsson tók á móti verðlaunum fyrir hönd Svanhildar....
Efnilegasti íþróttamaður USVS 2020
Á ársþingi USVS voru veitt verðlaun fyrir efnilegasta íþróttamanns USVS. Tveir drengir frá Ungmennafélaginu Kötlu voru tilnefndar, Egill Atlason Waagfjörð og Eyjólfur Lárus Guðbjörnsson . Egill fékk titilinn efnilegasti íþróttamaður USVS árið 2020. Egill mætti á nánast allar æfingar Umf. Kötlu árið 2020 hann er alltaf mjög áhugasamur og virkur á æfingum og hefur mikinn metnað og leggur sig 100% fram á æfingum. Hann keppti á Meistaramóti Íslands utanhúss á Sauðarkróki í sumar með ágætis árangri. Þar bætti hann árangur sinn í flestum greinum. Það verður spennandi að fylgjast með honum á árinu 2021 þar sem mótin verða vonandi fleiri. Egill stundaði einnig knattspyrnu af miklum krafti og eru mætingar og framkoma til mikillar fyrirmyndar. Egill er flott fyrirmynd fyrir hópinn og mjög virkur og áhugasamur, þessi mikli áhugi hefur skilað sér í miklum...
Íþróttamaður USVS og Efnilegasti íþróttamaður USVS 2019
Íþróttamaður USVS 2019 er Birna Sólveig Kristófersdóttir. Birna er metnaðarfullur og hæfileikaríkur íþróttamaður. Hún kemur vel fram, er kurteis og góð fyrirmynd. Hennar besti árangur á árinu 2019 í frjálsum íþróttum er 4. Sæti í stangarstökki, 3. Sæti í 400m hlaupi og þrístökki, 2.sæti í 1500m á Meistaramóti Íslands 15-22 ára innanhúss. Þá varð hún unglingalandsmótsmeistari í þrístökki og varð í 2. Sæti í 100m grindarhlaupi á Unglingalandsmóti UMFÍ á Höfn. Birna stundar einnig af miklu kappi fimleika hjá umf Hamar, fimleikadeild Selfoss og Fimleikaakademíu FSU. Henni eru allir vegir færir á íþróttasviðinu og verður gaman að fylgjast áfram með afrekum hennar í framtíðinni. Efnilegasti íþróttamaður USVS 2019 er Stephanie Ósk Ingvarsdóttir. Stephanie vann mörg afrekin á frjálsíþróttavellinum á árinu 2019. Hún varð fjórfaldur Íslandsmeistari á Meistaramóti Íslands 11-14 ára innanhús og utanhús í langstökki og hástökki. Þá jafnaði hún Íslandsmetið í hástökki utanhús þegar hún stökk 1,56m á Meistaramóti Íslands á Laugardalsvelli. Mánuði síðar sló hún íslandsmetið þegar hún sökk 1,57m á Sumarmóti umf.Þórs og umf.Kötlu. Hún varð einnig fjórfaldur unglingalandsmótsmeistari í hástökki, langstökki, þrístökki og 60m hlaupi. Þetta er án efa hápunktar ársins hjá Stephanie en verðlaunin eru fjöldamörg á árinu og hún meðal þeirra bestu á landinu í flestum greinum. Stephanie hefur mætt vel á æfingar, hún fer ávallt að fyrirmælum, er áhugasöm og metnaðarfull og leggur sig alla fram hvort sem er á æfingum eða í keppni. Stephanie hefur allt sem sannur afreksmaður þarf að hafa til að bera og það verður spennandi fylgjast með henni í...
Fanney Ásgeirsdóttir nýr formaður USVS
Á 50. ársþingi USVS var Fanney Ásgeirsdóttir kosin nýr formaður USVS. Fanney tekur við embættinu af Þorsteini Matthíasi Kristinssyni. Aðrir í stjórn eru Sæunn Káradóttir, Sigmar Helgason, Ragnar Þorsteinsson og Árni Jóhannsson.
Innahúsmót Kirkjubæjarklaustri 2020
Auglýsing-Æskulýðssjóður
Verðlaunarhafar á Unglingalandsmóti 2018
Gullverðlaun Birna Sólveig Kristófersdóttir 100 m grindarhlaup 16-17 ára, 17,48 Stephanie Ósk Ingvarsdóttir, hástökk 11 ára, 1,37 Stephanie Ósk Ingvarsdóttir, þrístökk 11 ára 8,95 Svanhildur Guðbrandsdóttir / Aðgát frá Víðivöllum fremri, tölt unglingaflokkur, heildarheinkunn 6,61 Svanhildur Guðbrandsdóttir / Aðgát frá Víðivöllum fremri, fjógangur unglingaflokkur, heildareinkunn 6,80 Svanhildur Guðbrandsdóttir / Sóley frá Syðri-Fljótum, fimmgangur unglingaflokkur, heildareinkunn 4,38 Silfurverðlaun Stephanie Ósk Ingvarsdóttir, langstökk 11 ára, 4,05 Stephanie Ósk Ingvarsdóttir, 60 m 11 ára, 9,41 Stephanie Ósk Ingvarsdóttir, kúlivarp 11 ára, 6,81 Sólrún Lára Sverrisdóttir, kökuskreytingar einstaklingskeppni 15-18 ára Heiðrún Hrund Sigurðardóttir, stafsetning 15-18 ára Sveit UMF. Kötlu/Tindastóll 4 x100m boðhlaup (Birna Sólveig, Kristín og Sigríður Ingibjörg) Bronsverðlaun Karl Anders Þórólfur Karlsson, hástökk 13 ára, 1,41 Birna Sólveig, þrístökk 16-17 ára, 9,68 Bjarni Dagur Bjarnason,...
Starfsmerki UMFÍ
Vilborg Smáradóttir, Vigfús Þ. Hróbjartsson, Linda Agnarsdóttir og Stefán Jónsson voru öll sæmd starfsmerki UMFÍ á ársþingi USVS. Ársþingið fór fram á Kirkjubæjarklaustri á laugardaginn. Stefán Jónsson er félagi í Hestamannafélaginu Kópi og hefur verið það í tæp 55 ár eða frá stofnun þess þann 30.júní 1963.Stefán hefur ætíð verið áhugasamur um starfsemi félagsins og unnið óeigingjarnt sjálfboðaliðastarf í þágu þess. Hann er ávallt mættur manna fyrstur t.d. þegar blásir er til leiks við undirbúning á mótsvæðinu fyrir mótahald og til ýmiskonar verka sem ekki eru endilega svo sýnileg en eru mikilvæg starfsemi félagsins. Hann er virkur þátttakandi í öllu félagsstarfi og mætir á flest öll mannamót á vegum félagsins. Hann lætur sér annt um æskulýðsstarf félagsins og fylgist vel með gangi þess. Alltaf tilbúinn að rétta okkur hjálparhönd við það, sem og flest annað. Það að hann sé búin að vera virkur félagi í 55 ár er eitthvað sem vert er að þakka og við hin að bera virðingu fyrir. Linda Agnarsdóttir er búin að vera formaður Ungmennafélagsins Ármanns síðan 2011 eða í 7 ár. Hún var í stjórn USVS frá 2011-2014.Linda hefur borið hita og þungan af starfi Ungmennafélagsins Ármann frá því að hún tók við formennsku í félaginu. Starf félagsins hefur verið í föstum mótum frá því að hún tók við og hefur henni tekist að halda út æfingum og starfi með börnum og unglingum á þessum tíma. Það er ekki sjálfgefið að það gerist í litlum ungmennafélögum út á landi. Linda er fylgin sér og jákvæð. Hún tekur á móti hlutunum með jafnaðargeði og hefur þann eiginleika að geta séð hlutina með jákvæðni. Hún er...