Elín Árnadóttir hefur tekið á síðustu árum tekið miklum framförum í reiðmennsku sinni. Hugur hennar snýr alfarið að hestamennskunni og hefur hún unnið með skóla og á sumrin á stóru hestabúi. Henni hefur gengið verulega vel í keppni á árinu 2016 og var hápunkturinn þegar hún náði inn í B-úrslit á Landsmóti hestamanna í sumar.
-
Efnilegasti íþróttamaður USVS 2016
Ólöf Sigurlína Einarsdóttir var valin efnilegasti íþróttamaður ársins 2016 hjá USVS. Hún hefur tekið stórstígum framförum síðasta árið. Ólöf keppti með liði Hófadyns í Meistaradeild æskunnar ásamt 4 öðrum krökkum af Suðurlandi og stóð sig með miklum sóma. Meðfylgjandi er mynd af liðinu og þar er Ólöf önnur frá hægri.
-
Lið ICEWEAR í Suðurlandsdeildinni í hestaíþróttum 2017
5 Skaftfellskir knapar tóku þátt í Suðurlandsdeildinni í hestaíþróttum í vetur undir merkjum ICEWEAR sem styrkti þátttöku liðsins í deildinni. Suðurlandsdeildin er ný deild í hestaíþróttum sem hófst í vetur og samanstóð af 4 keppniskvöldum á tveggja vikna fresti í janúar til mars þar sem tólf 5 manna lið blönduð áhugamönnum og atvinnumönnum tóku þátt. Keppt var í fjórgangi, parafimi, tölti og fimmgangi og voru tvenn úrslit í hverri grein annarsvegar fyrir áhugamenn og hinsvegar fyrir atvinnumenn. Liði ICEWEAR gekk með ágætum og skiluðu knapar sér í úrslit í 5 skipti af þessum 8 úrslitum. Deildin var einstaklega vel heppnuð, vel sótt af áhorfendum og þótti liði ICEWEAR einstaklega skemmtilegt að vera þátttakendur í henni, vegna árangursins er liði með öruggt sæti að ári og er þegar farið að leggja grunn að enn metnaðarfullri þátttöku næsta vetur.
-
Aðalfundur Umf.Kötlu 2016 verður haldin þann 10.apríl kl:11:00 í Eddusal Icelandair Hotel Vík.
Aðalfundur Umf.Kötlu 2016 verður haldin þann 10.apríl kl:11:00 í Eddusal Icelandair Hotel Vík. Á dagskrá eru hefðbundin fundarstörf og ber þar helst að nefna skýrslu stjórnar, ýmsar tillögur, stjórnar og nefndarkjör og önnur mál. Einnig mun fara fram kynning á sumarstarfi Umf.Kötlu, þar sem þjálfarar ásamt stjórn fara yfir dagskrá komandi mánaða og afhending og pöntun á æfingarfatnaði félagsins. Fjölmennum á fund !
-
Efnilegasti íþróttamaður ársins 2015 Þuríður Inga Gísladóttir
Efnilegasti knapi hmf. Sindra árið 2015 hefur stundað hestamennsku frá barnæsku og tekið þátt á mótum hmf. Sindra iðullega með góðum árangri. Knapinn er verulega áhugasamur hestamaður og nýtir flestar sínar lausu stundir í hesthúsinu, hann hefur stundað nám á hestabraut í fjölbrautaskóla Suðurlands síðastliðin tvö ár og vann m.a. við tamningar og þjálfun síðastliðið sumar. Knapinn hefur tekið þátt á nokkrum mótum utan félagsins s.s. Fsu móti, íþróttamóti Sleipnis, gæðingamóti Geysis, stórmóti Geysis og Suðurlandsmóti yngri flokka, á öllum þessum mótum vann knapinn sér inn sæti í úrslitum. Knapinn tók einnig þátt á Íslandsmóti barna og unglinga með góðum árangri.
-
Íþróttamaður ársins 2015 Krístín Lárusdóttir
Kristín er Hestamannafélaginu Kópi til sóma. Fagmannleg innan vallar sem utan. Á árinu hefur Kristín verið að keppa á mótum út um allt land, og staðið sig þar með mikilli prýði. Má þar nefna sem dæmi Svellkaldar og náði hún þar góðum árangri og endaði í fyrsta sæti á hestinum Þokka frá Efstu-Grund. Það sem að ber af á árinu hjá Kristínu er HM í Herning í Danmörku. En þar kom hún sá og sigraði, heimsmeistaratitillinn í tölti varð staðreyndin. Flottur árangur hjá Kristínu og teljum við að hún sé vel að þessum titli komin.
-
Ársþing USVS 2016
46. Ársþing USVS verður haldið á Hótel Laka þann 19. mars 2016 kl 10:00. Dagskrá skv. lögum USVS (sjá löginn hér). Frestur til að skila inn tillögum að laga og/eða reglugerðarbreytingum er eigi síðar en 12. mars n.k. -
Innanhúsmót USVS 2016
Innanhúsmót í frjálsum íþróttum verður haldið í íþróttarhúsinu á Kirkjubæjarklaustri 27. febrúar. 2016 mótið hefst kl. 10:00. Tekið er við skráningum í gegn um tölvupóst, netfangið er usvs@usvs.is skráning sendist með nafni og kennitölu keppenda ásamt hvaða keppnisgreinar viðkomandi vill keppa í. Keppnisgreinar fyrir fólk á öllum aldri, sjáumst hress.
Aldursskipting.
7 ára og yngri
- Langstökk án atrenu
- Þrístökk án atrenu
- Boltakast
8-9 ára
- 600m hlaup
- Langstökk án atrenu
- Þrístökk án atrenu
- Boltakast
10-11 ára
- 600m hlaup
- Langstökk án atrenu
- Þrístökk án atrenu
- Hástökk
- Kúluvarp
12-13 ára
- 600m hlaup
- Langstökk án atrenu
- Þrístökk án atrenu
- Hástökk
- Kúluvarp
14 – 15
- Langstökk án atrenu
- Þrístökk án atrenu
- Hástökk
- Kúluvarp
16 ára og eldri
- Langstökk án atrenu
- Þrístökk án atrenu
- Hástökk
- Kúluvarp
-
Ráðstefna fyrir fólk á aldrinum 16 – 25 ára á vegum UMFÍ
Ráðstefnan Ungt fólk og lýðræði
Ungmennaráð Ungmennafélags Íslands (UMFÍ) stendur nú í sjöunda sinn fyrir ráðstefnunni Ungt fólk og lýðræði. Yfirskrift ráðstefnunnar í ár er Niður með grímuna – geðheilbrigði ungmenna á Íslandi og mun hún fara fram 16. – 18. mars á Hótel Selfossi. Ungmennaráð UMFÍ hefur veg og vanda að ráðstefnunni en jafnframt koma Héraðssambandið Skarphéðinn og Sveitarfélagið Árborg að undirbúningi.
Ungmennaráð UMFÍ hefur fengið til liðs við sig fagfólk frá Kvíðameðferðarstöðinni. Áhersla verður lögð á óformlegt nám og virka þátttöku í vinnustofum ráðstefnunnar. Dagskrá verður með fjölbreyttu sniði, sjá dagskrá hér.
Ráðstefnan er ætluð ungu fólki á aldrinum 16 – 25 ára. Fjöldi þátttakenda er takmarkaður við 80 manns. Þátttakendum yngri en 18 ára verður að fylgja fullorðinn einstaklingur. Þátttökugjald eru 12.000kr. fyrir hvern einstakling. Innifalið eru ferðir, uppihald og ráðstefnugögn.
Skráningafrestur er til 26. febrúar. Vinsamlegast sendið skráningar á netfangið usvs@usvs.is
Frétt tekin ef vef UMFÍ
-
Ungmennasamband Vestur-Skaftafellssýslu auglýsir eftir umsóknum í Æskulýðssjóð USVS.
Styrkhæf teljast verkefni sem uppfylla kröfur 5.gr reglugerðar USVS um Æskulýðssjóð
- grein
Framlög úr æskulýðssjóði má veita til eftirtalinna verkefna, svo fremi að þau verkefni nýtist að öllu, eða mestöllu leyti, æsku aðildarfélaga USVS.
- Útbreiðslu- og fræðsluverkefna
- Íþróttastarfs, svo sem keppnisferða og námskeiða á því sviði.
- Forvarnarstarfs gegn neyslu vímuefna.
- Tómstunda- og menningarstarfs
- Annarra verkefna sem snúa að æskulýðsmálum og teljast í samræmi við yfirlýst stefnumið UMFÍ og USVS.
Umsóknir berist til Ungmennasambands Vestur-Skaftafellssýslu með tölvupósti á usvs@usvs.is fyrir 1. Mars n.k
Nánari upplýsingar veitir Gísli Steinar framkvæmdastjóri á netfanginu usvs@usvs.is.