Tveir keppendur frá USVS, ásamt þjálfara voru mættir á Laugardalsvöll fyrr í dag, til að keppa á Vormóti Fjölnis.
Þetta voru Elín Gróa Kjartansdóttir og Vignir Jóhannson, en þau voru mætt ásamt Ástþóri Jóni Tryggvasyni þjálfara sem þau hafa æft hjá síðan um miðjan maí.

Árangurinn var vægast sagt góður hjá keppendum okkar en úrslitin voru eftirfarandi;

Elín Gróa Kjartansdóttir;
3.sæti í 60m á tímanum 10,34sek.
4.sæti í 800m á tímanum 3:26,70

Vignir Jóhannson;
5.sæti í kúluvarpi, kastaði 5,80m
7.sæti í Langstökki, stökk 3,09m
8.sæti í 60m á tímanum 10,84

Vægast sagt góð byrjun á sumrinu okkar, og augljóst að þessir krakkar eiga einungis eftir að bæta sig.

Maður uppsker eins og maður sáir.
Áfram USVS !

Þetta hafði Kári Steinn Karlsson um hlaupið að segja, eftir að hann lauk því árið 2014: “Stórskemmtilegt hlaup í ótrúlegri náttúrufegurð og krefjandi undirlagi”.
Góð umfjöllun á hlaupinu okkar.

Mýrdalshlaupið 2014 var það fjölmennasta hingað til, en þá tóku þátt hvorki meira né minna en 22 hlauparar, á öllum aldri.
Verður árið 2015 fjölmennara?

Vissir þú að í fyrsta Mýrdalshlaupini hljóp erlendur ferðamaður heila 16km eftir að hafa villst í þoku?
Betra að kynna sér leiðina fyrir hlaup!

Margir góðir styrktaraðilar koma að Mýrdalshlaupinu, nú þegar hafa Afreksvörur og MS samþykkt að styrkja hlaupið, og fleiri eru væntanlegir.
Það er til mikils að vinna !

Þrátt fyrir að þetta sé aðeins í þriðja sinn sem hlaupið er haldið, hafa margir þekktir einstaklingar tekið þátt í Mýrdalshlaupinu.
Brautarmet Mýrdalshlaupsins á enginn annar en Kári Steinn Karlsson, en hann hljóp þessa skemmtilegu leið á tímanum 42:29 árið 2014. Verður þetta met slegið í ár? !

10. dagar í hlaup. Mýrdalshlaupið er svo sannarlega fyrir alla aldurshópa, en yngsti keppandinn í hlaupinu hingað til var aðeins 14 ára, en sá elsti 62 ára.
Spurningin er, hverjir eru þetta?