Vissir þú að í fyrsta Mýrdalshlaupini hljóp erlendur ferðamaður heila 16km eftir að hafa villst í þoku?
Betra að kynna sér leiðina fyrir hlaup!
-
7 dagar í hlaup!
-
8 dagar í hlaup!
Margir góðir styrktaraðilar koma að Mýrdalshlaupinu, nú þegar hafa Afreksvörur og MS samþykkt að styrkja hlaupið, og fleiri eru væntanlegir.
Það er til mikils að vinna ! -
9 dagar í hlaup!
Þrátt fyrir að þetta sé aðeins í þriðja sinn sem hlaupið er haldið, hafa margir þekktir einstaklingar tekið þátt í Mýrdalshlaupinu.
Brautarmet Mýrdalshlaupsins á enginn annar en Kári Steinn Karlsson, en hann hljóp þessa skemmtilegu leið á tímanum 42:29 árið 2014. Verður þetta met slegið í ár? ! -
10 dagar í hlaup!
10. dagar í hlaup. Mýrdalshlaupið er svo sannarlega fyrir alla aldurshópa, en yngsti keppandinn í hlaupinu hingað til var aðeins 14 ára, en sá elsti 62 ára.
Spurningin er, hverjir eru þetta? -
Samæfing og fyrsta héraðsmet sumarsins.
Fyrsta héraðsmet sumarsins kom í dag á Víkurvelli en þar fór fram “Boðhlaupskeppni USVS”. Ákveðið var að keyra þetta mót saman með “Samæfingu USVS”, til þess að freista þess að bæta nokkur met. Aðeins ein sveit mætti til leiks, sveit USVS í flokki 13 ára stúlkna, en hana skipuðu;
Erna Salome Þorsteinsdóttir umf.Ármanni
Birna Sólveig Kristófersdóttir umf.Kötlu
Tinna Elíasdóttir umf.Kötlu
Sigríður Ingibjörg Einarsdóttir umf.Kötlu
4×100 metrana hlupu þær á tímanum 65,20sek og bættu þar með met sem var í eigu Ármenninga frá árinu 2011 um rúmar 7 sekúndur, en gamla metið var 72,86sek.
Greinilegt að sumarið fer vel af stað og iðkendurnir okkar munu bara halda áfram að bæta sig.
Hærra ! Lengra ! Hraðar ! Áfram USVS !Einnig viljum við þakka þjálfurum, iðkendum, starfsmönnum og öllum sem mættu á samæfinguna okkar fyrir skemmtilegan dag
-
Héraðsmet USVS
Nú eru uppfærð héraðsmet USVS aðgengileg hér í metaskrá á vefnum okkar.
Ástþór Jón Tryggvason fær þakkir fyrir það mikla verkefni að fara yfir metaskrár sambandsins frá upphafi og taka saman.
-
Sameiginleg æfing í frjálsíþróttum
Laugardaginn 17. Maí verður haldin sameiginleg íþróttaæfing í frjáls-
íþróttum á íþróttavellinum í Vík.
Æfingin er opin öllum félagsmönnum USVS og stendur frá kl 10:00 til 14:00.
Létt hressing í boði í hádeginu fyrir þáttakendur.
Vonumst til að sjá sem flesta! -
Innanhúsmót USVS 2015
Innanhúsmót USVS verður haldið á Kirkjubæjarklaustri sunnudaginn 1. mars n.k. Mótið hefst kl 11:00. Athugið breytta dagsetningu!
Tímaseðil mótsins má sjá á hér
Að auki er keppt í eftirfarandi sundgreinum:
9-10 ára – 25 m bringa, 25 skrið
11-12 ára – 50m skrið, 50m bringa, 50m bak
13-15 ára – 50m skrið, 50m bringa, 50m bak
Skráning hjá usvs@usvs.is
Við vonumst að sjálfsögðu til að sjá sem flesta koma og taka þátt! -
Guðni Páll kveður USVS
Guðni Páll Pálsson kom fjórði í mark í Gamlárshlaupi ÍR á tímanum 34:32. Guðni hefur undanfarin ár verið einn af bestu, ef ekki besti íþróttamaður USVS. Á árinu 2014 setti Guðni 4 héraðsmet í 800m, 5km, 10km og hálfu maraþoni.
Meðal afreka hans á árinu má nefna 800m hlaup á vormóti HSK þar sem hann hafnaði í 2. sæti á tímanum 1:59,61 og bætti þar með héraðsmet Guðna Einarssonar frá árinu 1987 (eða jafn gamalt honum sjálfum) um tæpar 7 sekúndur.
Í Reykjavíkurmaraþoni kom hann í mark á tímanum 1:17:07 og hafnaði í 3. sæti Íslenskra karla. Hann bætti þar með, aftur héraðsmet, að vísu í þetta skipti met sem hann átti sjálfur frá árinu áður. Hápunktur ársins var þó Ármannshlaupið en þar kom Guðni í mark á tímanum 33:07 og hafnaði í 3 sæti. Ekki nóg með það, heldur var þetta 3. besti tími ársins og 20. besti 10km tími frá upphafi á Íslandi. Þetta er þó aðeins brot af afrekum hans á árinu sem er að líða.Guðni kveður nú USVS í bili með Gamlárshlaupinu, en hann gengur nú eftir áramót til liðs við ÍR þar sem hann æfir með fremsta frjálsíþróttafólki landsins. Í febrúar heldur hann með liði ÍR til Madríd, þar sem þau munu taka þátt í Evrópukeppni félagsliða í víðavangshlaupum.
USVS þakkar Guðna Páli fyrir góð ár og óskar honum velfarnaðar á nýjum vettvangi.
