Í dag var undirritaður samstarfssamningur milli Ungmennasambands Vestur-Skaftafellssýslu og Katlatrack.
Með samningnum er Katlatrack einn af styrktaraðilum USVS. Megin markmið samningsins er að styðja við mótastarf barna og unglinga í Vestur-Skaftafellssýslu þar sem Smábæjaleikarnir og Unglingalandsmót eru hápunktarnir á hverju sumri.
USVS setur sér það markmið að öll börn og unglingar geti tekið þátt á mótunum sér að kostnaðarlausu. Allir keppendur munu jafnframt fá gefins peysu og keppnisbúningar verða niðurgreiddir.
USVS mun auglýsa Katlatrack bæði á keppnisbúningi sem og á peysu. Samningurinn gildir til tveggja ára.
USVS þakkar Katlatrack kærlega fyrir stuðninginn og hlakkar til samstarfsins.
Á meðfylgjandi mynd má sjá Guðjón Þorstein Guðmundsson eiganda Katlatrack, og Jóhann Braga Elínarson formann USVS, handsala samninginn.
