Reglugerð um verðlaunagripi USVS
A. Almennar reglur
- Reglugerð þessi skal ná yfir alla verðlaunagripi, farandbikara og eignarbikara, auk verðlaunapeninga.
- Farandbikar skal vinnast til eignar þegar sami aðili hefur unnið hann þrisvar sinnum í röð, eða fimm sinnum alls en þegar félag vinnur farandbikar þarf það að vinna hann fimm sinnum í röð eða tíu sinnum alls, nema annað sé tekið fram sérstaklega.Stigabikar vinnst aldrei til eignar.
- Að lokinni afhendingu bikars skal stjórn USVS sjá um að letrað verði á hann ártal og handhafi bikarsins í það skipti.
- Aðildarfélög USVS eru eindregið hvött til að hafa þessa gripi til sýnis á áberandi stað til kynningar á starfseminni og til hvatningar.Stjórn USVS skal halda skrá yfir alla verðlaunagripi sem í gangi eru hverju sinni, og hverjir eru handhafar þeirra. Eftirfarandi skal skráð:
a. tegund verðlaunagripa
b. fyrir hvað þeir eru veittir
c. nöfn gefenda
d. á hvaða móti eða mótum verðlaunagripirnir vinnast og hvar þeir vinnast
e. nafn vinnanda
5.Stjórn USVS skal sjá til þess að þegar verðlaunagripur er unninn til eignar, að annar gripur komi í stað hans tímanlega fyrir næstu keppni.
6. Handhafar farandbikars ber að varðveita bikarinn, og bæta ef verður fyrir skemmdum eða týnist.
B. Bikarar í umferð
- Bikar fyrir stigahæsta félag í frjálsum íþróttum utanhúss.
- Bikarar fyrir íþróttamann og efnilegasta íþróttamann ársins. Einnig skal veittur lítill bikar til eignar þeim sem hljóta tilnefningu hverju sinni.
- Allir sem eru tilnefndir til þessara viðurkenningar fá eignarbikar.
C. Reglur um verðlaunapeninga
- Verðlaunapeningar skulu veittir þremur efstu mönnum í hverri grein frjálsra íþrótta á mótum USVS, í flokkum 10 ára og eldri..Allir 10 ára og yngri fá þátttökupening.
- Verðlaun skulu veitt sigurliðum í hópíþróttum á mótum USVS.
- Veitt skal viðurkenningarskjal sem staðfesting á nýju héraðsmeti og skal það afhendast á ársþingi USVS
Breytt á Ársþingi 2019 Hótel Kötlu Vík í Mýrdal